بياني الانتخابي قصير، تطلعوا حواليكن، تطلعوا بعيون الناس اللي بتحبوهن وبيحبوكن، بتعرفوهن وبيعرفوكن، شوفو البلاد كيف صارت، بتعرفوا ساعتها مين لازم تنتخبوا وليش.
الترشح على مشروع واضح هو مواجهة، مواجهة القراب قبل البعاد. فيها مخاطرة عالمستوى الفردي إنك تكون جزء من مشروع جماعي. بس فيها جرأة وتحمل مسؤولية.. مسؤولية خيارات مناخدها.. أو بتصيب أو بتخيب.. ومنتحمل نتايجها. نحنا ما لح نقبل يدمرولنا حياتنا و حياة اولادنا وحياة الناس ببلادنا وياخدوها بالهين.. لح نواجه طول ما قادرين.. ونحنا قادرين